ವಾಸ್ತವತೆಯ ಚೌಕಟ್ಟಿನೊಳಗೇ ನಿಂತು ತಂದೆ ಮತ್ತು ಮಗನ ಸಂಬಂಧವನ್ನು ಹಾಗೆಯೇ ಸಮಕಾಲೀನ ಸಮಸ್ಯೆಗಳನ್ನು 'ಗೋಧಿ ಬಣ್ಣ ಸಾಧಾರಣ ಮೈಕಟ್ಟು' ಚಿತ್ರ ಬಿಡಿಸಿಡುತ್ತಾ ಹೋಗುತ್ತದೆ.ಇದ್ದಾಗ ಪ್ರೀತಿಸದೆ,ಕಳೆದುಕೊಂಡ ಮೇಲೆ ಅವರ ಬೆಲೆ ಅರಿತು ತಂದೆಯನ್ನು,ಅವರ ಪ್ರೀತಿಯನ್ನೂ ಹುಡುಕುತ್ತಾ ಸಾಗುವ ಮಗುವಿನ ಕತೆ ನಮ್ಮೊಳಗೇ ಒಂದಾಗಿ ಹೋಗುತ್ತದೆ.
ಚಿತ್ರದ ಮೊದಲಾರ್ಧದ ನಿರೂಪಣೆ ಸೊಗಸಾಗಿದೆ.ದ್ವಿತೀಯಾರ್ಧದಲ್ಲಿ ಚಿತ್ರದ ವೇಗ ಸ್ವಲ್ಪ ಹೆಚ್ಚಿಸುವ ಕೆಲಸವನ್ನು ನಿರ್ದೇಶಕರು ತೋರಬಹುದಿತ್ತು.ಹಿನ್ನಲೆ ಸಂಗೀತ ಹಾಗೂ ಹಾಡುಗಳು ಸೊಗಸಾಗಿವೆ.ಛಾಯಾಗ್ರಹಣ ಸುಂದರವಾಗಿದ್ದರೂ ವೈವಿಧ್ಯತೆ ಕಾಣಸಿಗುವುದಿಲ್ಲ.ಸಂಭಾಷಣೆಯೂ ಗಮನ ಸೆಳೆಯುತ್ತದೆ.
ತಂದೆಯಾಗಿ ಅಭಿನಯಿಸಿರುವ ಅನಂತ್'ನಾಗ್'ರವರು ಇನ್ನಿಲ್ಲದಂತೆ ಕಾಡಬಲ್ಲರು.ಆ ಪಾತ್ರಕ್ಕೆ ಅಷ್ಟು ಶಕ್ತಿಯಿದೆ.ರಕ್ಷಿತ್ ಶೆಟ್ಟಿ ಹಾಗೂ ಶೃತಿ ಹರಿಹರನ್ ನಟನೆ ಚೆನ್ನಾಗಿದೆ.ದತ್ತಣ್ಣ,ವಸಿಷ್ಟ ಎನ್ ಸಿಂಹ ಹಾಗೂ ಅಚ್ಯುತ್ ಕುಮಾರ್'ರನ್ನು ಒಳಗೊಂಡಂತೆ ಇತರರ ಅಭಿನಯವೂ ಸುಂದರ.
ಸದಭಿರುಚಿಯ ಚಿತ್ರಗಳ ಸಾಲಿಗೆ ಸೇರಿಸಬಹುದಾದ ಈ ಚಿತ್ರಕ್ಕೆ ನೋಡುಗರು ನಿಸ್ಸಂಶಯವಾಗಿ ಜೈ ಅನ್ನಬಹುದು...
ಚಿತ್ರದ ಒಂದು ಸಂಭಾಷಣೆಯಲ್ಲಿ ಬರುವ ಮಾತು...."ನಾವು ಹುಟ್ಟಿದ ತಕ್ಷಣ ನಮ್ಮ ಕತೆ ಪ್ರಾರಂಭ ಆಯ್ತು ಅಂತ ತಿಳ್ಕೊಳ್ತೀವಿ ಆದರೆ ನಿಜವಾಗ್ಲೂ ಯಾರದ್ದೋ ಕತೆಯಲ್ಲಿ ನಾವೊಂದು ಪಾತ್ರ ಆಗಿರ್ತೀವಿ..."
ನೋಡಿದ ಮೇಲೆ 'ಮನದ ಮೂಲೆಯಲ್ಲೆಲ್ಲೋ ಅಡಗಿ ಕುಳಿತ ಭಾವಗಳೆಲ್ಲಾ ಕತೆಯ ರೂಪದಲ್ಲಿ ಮತ್ತೊಮ್ಮೆ ಶುರುವಾಗಬಹುದು'
No comments:
Post a Comment